Ez da erraza Soziedad Alkoholika musika estilo bakarrean sailkatzea. Thrash, Hardcore, Metal, Punk… Egia esan, bere oinarriak potentzia eta abiadura izan dira beti, konposizioetan estilo bereziak markatutako eragin sorta zabal eta askotarikoa erakutsiz. Testuei dagokienez, musikarekin bat datorren ildoari eutsi diote beti. Letra korrosiboak eta esplizituak, konpromiso sozialez beteak eta salaketa zuzena izan dira taldearen ezaugarri nagusietako bat.